Laori in corso

Nòda de servisio e curioxità:
Da calche tenpo, e par calche tenpo oncora, chi che i varda no i cata axornamenti inte ƚa pàxena “laori in corso” de elgalepin.com e mirrors che ƚa gavarìa da mostrar calche dato (oviamente i pì esensiàƚi) de progrèso so’l database vero e pròpio, de ‘l nòstro galepin in laorasion. Ciò no ‘l xé parché el laoro el xé fermo, ma ansi parché el xé drio nar vanti so un server sperimental, pì performante, par védar de ministrar i dati senpre mèjo (el database el xé deventà na ròba “mostroxa”, dimensionalmente parlando). Ƚa pàxena dita sora ƚa xé oncora lincada a ‘l database “vècio”, che no ‘l gà drento oviamente ƚe ùltime modìfeghe.

Co gavaremo fenìo i tests faremo ƚa pàxena niova co’ i dati che i vien xo da ‘l database axornà.

Tuto ciò no ‘l influise gnanca de sbianso so i dati vixìbiƚi, gratis, poƚito, veƚòce, et amore Dei, da i utenti de ƚa edision vèrta a ‘l pùblico, ospitada in tuti altri loghi.

El indriso par rivar al blog niovo el restarà senpre conpagno www.elgalepin.info o da ‘l intèrno de i siti de “elGalepin” online.